Fàilte!
Ionad Cultar na Gàidhlig ann an Inbhir Nis
Àite airson ar Cànan is ar Cultar a thoirt Còmhla
Dè a tha ann an Cultarlann Inbhir Nis?
‘S e àite cruinneachaidh airson a h-uile duine aig a bheil ùidh ann an cànan is cultar na Gàidhlig far am bi còmhradh, ionnsachadh agus càirdeas gus a’ Ghàidhlig, a cultar agus a traidiseanan a chomharrachadh agus a neartachadh ann an suidheachadh beothail agus far a bheil fàilte air a h-uile duine a tha ann an Cultarlann Inbhir Nis.
Cò sinne?
’S e companaidh earranta le inbhe catharranais a th’ ann an Cultarlann Inbhir Nis a chaidh a stèidheachadh ann an 2020 leis an amas Ionad Cultarail Gàidhlig a chruthachadh ann an Inbhir Nis. Sheall Sgrùdadh a chaidh a choimiseanadh le Urras Dualchais na h-Alba agus air a stiùireadh leis an Impact Hub ann an 2018, gun robh taic làidir ann airson a leithid de Ionad. An seo, b’ urrainn do mhuinntir an àite, luchd-labhairt na Gàidhlig, luchd-ionnsachaidh, luchd-tadhail agus a h-uile duine aig a bheil ùidh sa chànan agus sa chultar coinneachadh gu sòisealta gus an cànan a chleachdadh ann an raon farsaing de thachartasan chultarail, clasaichean cànain a fhrithealadh, ceanglaichean a neartachadh agus an coimhearsnachd Gàidhlig a thoirt còmhla.
Air a’ Bhòrd-stiùiridh tha Alasdair Forbais, Gwen Bowie, Ailean MacBheatha, Emily NicDhòmhnaill, Daibhidh Boag, Murchadh Caimbeul, Mike Danson agus Mairead Mulholland. Tha Bòrd na Gàidhlig a’ maoineachadh Oifigear Pròiseict, Ms Susanne NicDhòmhnaill agus Rianaire nam Meadhanan Sòisealta.
Naidheachd Màirt 2024
Tha Bòrd Chultarlann Inbhir Nis air leth toilichte innse dhuibh gun d’ fhuair sinn na h-iuchraichean airson Cultarlann Inbhir Nis air Sràid na h-Acadamaidh, Inbhir Nis. Tha e na urram dhuinn a bhith nar luchd-seilbh air an togalach eachdraidheil seo. Tha gu leòr obair roghainn a-nis gus an togalach ùrachadh. Cùm sùil a-mach air na meadhana sòisealta gus faighinn a-mach dè tha dol. Ma tha duine sam bith airson taic a chur thugainn gu saor-thoileach ann an dòigh sam bith, bhitheamaid gu math toilichte cluinntinn bhuaibh.
Tha an iomairt gu ruige seo air taic fhaighinn bho raon de luchd-maoineachaidh, is iad Iomairt na Gàidhealtachd ‘s nan Eilean, Bòrd na Gàidhlig, Maoin Mathas Coitcheann Inbhir Nis, Maoin Dualchais Ailtireachd agus Enterprise Scotland. Tha an taic aca a’ dearbhadh gu soilleir an tabhartas luachmhor sòisealta is eaconamach a dh’fhaodas cànan is cultar na Gàidhlig a thoirt do dh’ Inbhir Nis agus don Ghàidhealtachd.
A bharrachd air sin, tha sinn air leth taingeil don 600 neach a sheall an taic agus an creideas sa phròiseact le bhith a’ cur cho fialaidh ris an dà Crowdfunder. Taing mhòr dhuibh uile.
Thoir tabhartas
Eisimpleir de Chultarlann eile
Nach leugh thu mu Chultarlann soirbheachail ann an Èireann …
Cuir fios thugainn
Foirm ballrachd
Ma tha ùidh agad a bhith nad bhall brùth air an fhoirm gu h-ìosal airson tuilleadh fiosrachaidh.
Àite far an cluinn sinn Cànan na Gàidheil!
Suas togamaid Gàidhealtachd nuadh
Le eanchainn, braon-gruaidh agus dòirn,
Gàidhealtachd às ‘n dèanar uaill,
Àit’ àrd, uasal aig cànan is ceòl
S biadh beathail aig spiorad is brù
Ri fhaotainn a ghnàth air do bhòrd.
Let us build up a new Highlands
With brain, sweat of cheek and by hand
Highlands of which we can be proud
An exalted noble place for language and music
With life-giving food for spirit and body
Always available on your table
Cuir fios thugainn
Chaidh an làrach-lin seo a leasachadh le taic bho Bhòrd na Gàidhlig.
‘S e carthannas Albannach, SC050549, a th’ ann an Cultarlann Inbhir Nis, air a riaghladh le Riaghladair Carthannais na h-Alba (OSCR) | Taigh nan Companaidhean: SC653865 | Poileasaidhean Prìobhaideachd